‘‘තීර්ථය‘‘ අගෝස්තු 20 වෙනි දා...

නිමක් නැතිවම අහස හඬා වැටෙද්දී,

උස් කඳු බිම් පවා සසැලී බිඳී වැටෙද්දී, එබිම් යට අසරණ සුසුම් පොදි සැඟවී මිලින වී යද්දී,

ගඟ දිය රළු වෙවී  ඉවුරු බිඳ පිටාර ගලා යද්දී,

දහසක් සහෝදර ජනතාවට උන් හිටි තැන් අහිමි වෙද්දී

සුභාවිත ගී රස විඳින්නට එන්නැයි කෙලෙස නම් ඇරයුම් කරන්නද?

‘‘අපි මේ වැඩේ කල් දාමුද? මිනිස්සු මේ තරම් අසරණ වෙලා ඉන්න මොහොතක අපි කොහොමද ගී රස විඳීමක් ගැන හිතන්නේ..“ ඒ සපූ... ඔබේ ආදරණීය ගේය පද රචක කුමාරදාස සපුතන්ත්‍රී.

‘‘තීර්ථය වැඩසටහන ටික දවසකට කල් දාන්න පුලුවන් නම් හොඳයි. මිනිස්සුන්ට ජීවිතත් අහිමි වෙලා, උන් හිටි තැනුත් අහිමි වෙලා අසරණ වෙලා ඉන්න මොහොතක්නෙ.‘‘ ඒ නිලාර්. තීර්ථය වැඩසටහනේ සම්ප්‍රවේශක නිලාර් එන් කාසිම්.

‘‘අපිට ගීතය ගැන කතා කරන්න වෙලාව හොයාගන්න පුලුවනි. මේ අසරණ වුණු මිනිස්සුන්ට උදව් කළ යුතු වෙලාවක්.. අපේ වැඩේ කල් දාමු.” අපිදු තීරණයකට එළඹියෙමු.

ඒ අනුව ජුනි මස 11 වැනි දා පවත්වන්නට නියමිතව තිබූ ‘‘තීර්ථය” සුභාවිත ගී රස වින්දන වැඩසටහනේ පළමු පියවර - ‘‘කුමාරදාස සපුතන්ත්‍රී ගීතාවලෝකනය” අගෝස්තු මස 20 වන සෙනසුරාදා රාත්‍රී 7.00 ට කොළඹ ආනන්ද විද්‍යාලයීය කුලරත්න ශාලාවේ දී පැවැත්වෙන බව දන්වා සිටිමු.

මේ වන විටත් ඔබ ප්‍රවේශ පත්‍ර මිල දී ගෙන ඇත් නම් එදිනට වලංගු වන බව කාරුණිකව සලකන්න.